• ×

12:21 مساءً , السبت 20 صفر 1441 / 19 أكتوبر 2019

قصيدة بعنوان( يا موطني)

زيادة حجم الخط مسح إنقاص حجم الخط

قصيدة يحيى الشاعر (شاعر منطقة جازان) في حفل أهالي الشقيق بعيد الفطر المبارك لعام 1440

بسم الذي بسمه تطيب العبارات
طب القلوب الضايقات الحساير

ربٍ قريب ايجيب داعيه ما فات
ويفك عقدات الظروف العساير

سبحانه المعبود رب السماوات
والله يجمّلنا بصدق السراير

وصلاة ربي والتحايا مثنّات
على رسوله عد ما رف طاير

ومن بعدها ياهاجسي عبّر وهات
وافصح عن المكنون بين الضماير

قبل امس جاني العلم برسال دعوات
حتى نشارك حفل للعيد صاير

فقلت مالي منكم اي اعتذارات
ولي الشرف لا جيت عاني وساير

وفي ظرف ساعة والله ان نبني ابيات
تمشي بها الركبان بين العشاير

يا موطني عيدك مزون الغمامات
من مكة وطيبة تسوق البشاير

يا موطني دامت عليك المسرات
وعلى معادينك تدور الدواير

في ظل اخو نوره سليل الزعامات
دون الوطن والله تثور الذخاير

وولي عهده في جميع المهمات
يرغم انوف اللي من الكره حاير

هذا الوطن هذا منار المنارات
في حفظ رب الكون من كل جاير

هيهات يهل البغي والحقد هيهات
يا معشر الغدرات غادر وباير

واللي يحالفكم غرور وخيانات
والله ما يحظى بغير الخساير

تبّت يدين الفرس ومروّج القات
الحوثي المعتوه اعمى البصاير

اللي قصد بيت الله وشن غارات
في شهرٍ امبارك يحل الكباير

لا يرقبون الناس إلاّ وذمّات
الصايمين وكل عاكف وزاير

يا دولة التوحيد ختم الرسالات
يامهبط الوحي المقدس عماير

معمورتن بمن وسلام وسلامات
من شر من في نفسه الشر غاير

يا موطني دونك رجال البطولات
قوم رحاها فوق الاعداء داير

لا دنّت طبول الحروب الملمات
على العدى تلهب لهيب وسعاير

وشهيدهم بعده طوابير وسرات
واللي يعاديهم يذوق المراير

يا موطني حنا الفدى للنهايات
يا شوق من تزهى عليه الظفاير

كم من شهيدن نال فيك الكرامات
حتى لو ان امّه تهل العباير

جاها ولدها والدمى منه خضبات
وحزنت على فرقاه بنت الحراير

اواه يا حرّة دموع التنهّات
على الكفو لا طاح والدم فاير

والله وعهد الله رب البريات
ما نرتضي بالعار والا الحقاير

ارواحنا دون الوطن مستميتات
وجباهنا لله وحده عفاير

سلام يتعدى جبال السراوات
وجبال إب الشاهقه والحواير

من شاعرٍ ماهو يحب الشعارات
لكن،، بركان الشعر فيه ثاير

يا منطقة جازان عبر القنوات
حنا لها والله عليه السفاير

ويا اميرنا المحبوب عطنا اشارات
نقبل وفي مقبالنا ما نخاير

وابشر بنا في كل موقف بوقفات
نبني بيوت الشعر لو هي ذواير

وختم القصيدة بالسلام وصلوات
على شفيع الخلق يوم الحشاير

كلمات الشاعر : يحيى بن ابراهيم عتودي

 0  0  763
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 12:21 مساءً السبت 20 صفر 1441 / 19 أكتوبر 2019.